Rajarata News
பிரதான செய்திகள்

புதிய அரசாங்கத்தில் எவ்வித அமைச்சுபதவியையும் பெற்றுக் கொள்ளப் போவதில்லைஎன ஐக்கிய தேசிய கட்சியின் பாராளுமன்றஉறுப்பினர் மலிக் சமரவிக்ரமதீர்மானித்துள்ளதாக அரசியல் வட்டாரங்கள்தெரிவிக்கின்றன. 

இதேவேளை,தேவை ஏற்படின் தானும் அமைச்சுபதவியை விட்டுக் கொடுக்க தயாராக இருப்பதாகபாராளுமன்ற உறுப்பினர் மனோ கணேசன்தெரிவித்துள்ளார்.அவரோடு ரிஷாத் பதியுதீனும்அதற்கு இணக்கம் வெளியிட்டுள்ளதாக மனோடுவிட்டர் பக்கத்தில் தெரிவித்துள்ளார்.

அரசியலமைப்பின் படி தேசிய அரசாங்கம்இல்லாத போது அமைச்சரவை 30 பேராகவரையறுக்கப்பட வேண்டும். 


புதிய அமைச்சரவையில் சிலருக்கு ஏற்கனவேதாங்கள் பதவி வகித்த அமைச்சுக்களையேவழங்குவது தொடர்பிலும் அவதானம்செலுத்தப்பட்டுள்ளதாக தெரிவிக்கப்படுகின்றது.


ஐக்கிய தேசியக் கட்சியின் அமைச்சரவைப்பட்டியலில் நேற்றிரவு இறுதியாக 32 பேர்உள்ளடக்கப்பட்டிருந்த நிலையில் இன்று காலைஐக்கிய தேசிய முன்னணி தலைவர்கள் மத்தியில்இதனை 30 ஆகக் குறைப்பதற்கு ரணில்விக்கிரமசிங்க ஆலோசனை கோரியுள்ளார்.


இதன் போது, தானும் ரிசாத் பதியுதீனும்அமைச்சரவைப் பதவி அவசியமில்லையெனதெரிவித்ததாக மனோ கணேசன் தெரித்துள்ளார்.. 


இதேவேளை மலிக் சமரவிக்ரமவும் பதவியின்றித்தொடர இணங்கியுள்ள நிலையில் அமைச்சரவை30 ஆகக் குறையும் என எதிர்பார்க்கப்படுகிறது.


பேஸ்புக் காதலியைத் தேடி, போதிய ஆவணங்கள் இல்லாமல் பாகிஸ்தான் சென்ற இந்தியர், ஆறு வருட சிறைத்
தண்டனைக்குப் பிறகு விடுதலை செய்யப்பட்ட சம்பவம் சமூக வலைகளில் 
பேசு பொருளாகி உள்ளது.


மும்பையை சேர்ந்தவர் ஹமித் நேஹல் அன்சாரி (33). என்ஜினீயரான இவர் பேஸ்புக்கில் இவருக்கு பாகிஸ்தானைச் சேர்ந்த பெண் ஒருவர் தோழியாக அறிமுகமானார். அங்குள்ள கைபர் பக்துன்கவா மாகாணத்தில் உள்ள கரக் நகரைச் சேர்ந்த அந்த பெண்ணும் அன்சாரியும் தினமும் சாட் செய்துள்ளனர். பின்னர் இந்த நட்பு காதலாக மாறியது. இந்நிலையில் அன்சாரியுடனான நட்பை துண்டித்தார் அந்தப் பெண். .


.இதனால் சோகமான அன்சாரி, அந்தத் தோழியை சந்திக்க முடிவு செய்து, ஆப்கானிஸ்தான் வழியாக 2012 ஆம் ஆண்டு பாகிஸ்தான் சென்றார். அங்கு கரக் நகர் ஓட்டல் ஒன்றில் 2 நாள் தங்கிய அவரை உளவு பிரிவு போலீசார், 2012-ம் ஆண்டில் கைது செய்தனர்.
போதிய ஆவணங்கள் இல்லாமல் நுழைந்து, உளவு பார்க்கவும் சமூக விரோத செயல்களில் ஈடுபடவும் வந்ததாகக் கூறி, ராணுவ நீதிமன்றம் 2015 ஆம் ஆண்டு அவருக்கு 3 வருட சிறை தண்டனையை வழங்கியது. 




ஏற்கனவே அவர் 3 வருடம் சிறையில் இருந்துள்ளார். அவரது தண்டனை காலம் கடந்த ஞாயிற்றுக்கிழமையோடு முடிவடைந்தது. ஆனாலும் அவர் விடுதலை செய்யப்படவில்லை.
இதுபற்றி பெஷாவர் நீதிமன்றத்தில் வழக்குத் தொடரப்பட்டது. அன்சாரி தொடர்பான ஆவணங்கள் சமர்ப்பிக்கப்படாததால் அவர் விடுதலை செய்யப்படவில்லை என்ற தெரிவித்த சிறைத்துறை அதிகாரிகளின் விளக்கத்தை ஏற்றுகொள்ள மறுத்த பெஷாவர் உயர் நீதிமன்றம் அன்சாரியை இந்திய அதிகாரிகளிடம் ஒப்படைக்க வேண்டும் என பெஷாவர் நீதிமன்றம் ஆகஸ்ட் மாதம் உத்தரவிட்டிருந்தது.
இந்நிலையில், ஹமித் நிஹால் அன்சாரி இன்று விடுதலை செய்யப்பட்டார். அவரை இந்திய அதிகாரிகளிடம் ஒப்படைக்கும் நடைமுறைகள் தொடங்கியுள்ளதாக பாகிஸ்தான் வெளியுறவுத்துறை செய்தி தொடர்பாளர் முகமது பைசல் தெரிவித்துள் ளார்.


நன்றி —புதிய தலைமுறை—

2019 இந்தியன் பிரீமியர் லீக்-கிற்கான ஏலம் நடைபெற்று வருகிறது.
இந்த ஏலத்தில் 351 வீரர்கள் வரை ஏலம் விடப்பட்டு உள்ளனர்.



எட்டு ஐபிஎல் அணிகளும் ஏலத்தில் பங்கேற்று உள்ளன. 


வெஸ்ட் இண்டீஸ் வீரர்கள் மற்றும் ஆல்-ரவுண்டர்களை எடுக்க கடும் போட்டி நிலவுகிறது.


வெஸ்ட் இண்டீஸ் வீரர் கார்லஸ் பிராத்வெயிடை ரூ.5 கோடிக்கு கொல்கத்தா அணி ஏலம் எடுத்தது.

இந்திய அணியின் ஆல் ரவுண்டர் அக்ஸர் பட்டேல், ரூ 5 கோடிக்கு ஏலம் எடுக்கப்பட்டார். அவரை டெல்லி கேப்பிடல்ஸ் அணி ஏலத்தில் எடுத்தது.
தற்போது அவுஸ்திரேலிய தொடரில் விளையாடி வரும் இந்திய வீரரான ஹனும விகாரி்யை வாங்க கடும் போட்டி நிலவியது. ரூ. 50 லட்சத்தில் தொடங்கிய ஏலம் 2 கோடியில் முடிந்தது. 


அவரை வாங்க டெல்லி மற்றும் மும்பை அணிகள் அதிக ஆர்வம் காட்டின. இறுதியில் டெல்லி அணி அவரை சொந்தமாக்கியது.
ஏலத்தில் முதல் வீரராக மனோஜ் திவாரி பெயர் அறிவிக்கப்பட்டது. 


அவரது அடிப்படை விலையான ரூ. 50 லட்சத்துக்கு ஏலம் தொடங்கியது.

இந்திய வீரர் அக்சர் பட்டேலை 5 கோடிக்கு டெல்லி கேபிடல்ஸ் அணி வாங்கிய நிலையில், குர்கீரத் சிங்-ஐ அடிப்படை விலை 50 லட்சத்திற்கு பெங்களூர் அணி வாங்கியது
இந்திய வீரர் யுவராஜ் சிங்கை யாரும் இதுவரை ஏலத்தில் வாங்கவில்லை.
இலங்கை வீரர் மலிங்காவை மும்பை அணி 2 கோடி கொடுத்து வாங்கியது.

கனடாவில் தொழில் பெற்று தருவதாக கூறி பாரிய நிதி மோசடியில் ஈடுபட்ட பெண் ஒருவர் தொடர்பில்
பொலிஸார் அதிர்ச்சித் தகவல்களை வெளியிட்டுள்ளனர்.

நவகமுவ பிரதேசத்தில் வைத்து குறித்த பெண்ளை குற்ற விசாரணை திணைக்கள அதிகாரிகள் நேற்றிரவு கைது செய்தனர்.

குறித்த பெண் தொடர்பில் தீவிர விசாரணைகளை மேற்கொண்ட போது பல அதிர்ச்சித் தகவல்கள் வெளியானதாக பொலிஸ் ஊடகப் பேச்சாளர் தெரிவித்துள்ளார்.

இது தொடர்பாக கருத்து வெளியிட்ட பொலிஸ் ஊடகப் பேச்சாளர்,

இந்த பெண் நாட்டில் தெரிவு செய்யப்படும் பிரதேசங்களுக்கு சென்று அங்கு வாடகைக்கு வீடு ஒன்றை பெற்றுக் கொள்கின்றார். அங்கு தான் வசதியான பெண் எனவும், பாதுகாப்பு கருதி வாடகை வீட்டில் தங்குவதாகவும் குறிப்பிட்டுள்ளார்.

தான் கனடாவில் வசிப்பதாகவும் யாரெனும் கனடா செல்ல ஆசையிருந்தால் அனுப்பி வைப்பதாகவும் அந்தப் பகுதி மக்களை நம்ப வைத்து ஏமாற்றுகிறார்.

அதற்கமைய குறித்த பெண் தங்கியிருக்கும் வீடுகளில் சுமுகமான உறவு ஒன்றை ஏற்படுத்தி கொண்டு மோசடியில் ஈடுபடுகிறார். கனடா அனுப்புவதற்காக முதலில் 5 லட்சம் ரூபா வழங்குமாறு கோருகின்றார்.

அதற்கமைய வழங்க வேண்டிய பணத்தை அனுப்புவதற்கு, கனடா செல்ல வேண்டியவர்கள் தங்கள் பெயரில் வங்கி கணக்கு ஒன்றை திறக்க வேண்டும். அதில் பணத்தை வைப்பு செய்துவிட்டு அதற்கான புத்தகம், ஏரிஎம் அட்டை, அதற்கான கடவு சொல் அனைத்தையும் அவருக்கு அனுப்பி வைக்க வேண்டும்.

அவ்வாறு அனுப்பப்படும் தகவல்கள் ஊடாக அவர் அந்த பணத்தை கொள்ளையடித்து விட்டு அந்த வீடுகளில் இருந்து தப்பிச் சென்று விடுகின்றார்.

இந்த பெண்ணுடன், சிங்கள சினிமா நடிகரும் தொடர்புப்பட்டுள்ளமை கண்டுபிடிக்கப்பட்டுள்ளது. குறித்த நடிகரை தேடும் நடவடிக்கை முன்னெடுக்கப்பட்டுள்ளது.

இந்த பெண் கனேடிய விசா பெறுவதற்கு 14 ஆம் திகதி வருமாறு அழைப்பு விடுத்துள்ளார். விசா பெறுவதற்கான நேர்முக தேர்விற்கு செல்லும் போது அவர்களால் மோசடி செய்யும் நடவடிக்கை வெளியாகியுள்ளது.

அதற்கமைய பொலிஸாருக்கு கிடைத்த முறைப்பாட்டிற்கமைய கைது செய்யப்பட்ட பெண்ணிடம் இருந்து 26 இலட்சம் ரூபாய் பெறுமதியான தங்க ஆபரணங்கள், 50 ஆயிரம் ரூபாய் பணம், 72 கடவுச்சீட்டுக்கள், 50 வங்கி வைப்பு புத்தகங்கள், 50 ஏ.டி.எம் அட்டைகள் என்பனவற்றை பொலிஸார் கைப்பற்றியுள்ளதாக பொலிஸ் ஊடகபேச்சாளர் தெரிவித்துள்ளார்.

கைது செய்யப்பட்ட குறித்த பெண்ணை இன்று கடுவெல நீதவான் நீதிமன்றத்தில் ஆஜர்படுத்திய போது, எதிர்வரும் 20ம் திகதி வரை விளக்க மறியலில் வைக்குமாறு நீதவான் உத்தரவிட்டுள்ளமை குறிப்பிடத்தக்கது

தென்கொரியாவில் 90 வயதான பெண் ஒருவரை தீ விபத்தொன்றில் இருந்து காப்பாற்றிய இலங்கையருக்கு 
அந்த நாட்டின் நிரந்தர குடியுரிமை வழங்கப்பட்டுள்ளது.

இன்று அவருக்கான உத்தியோகப்பூர்வ குடியுரிமை சான்றிதழ் அந்த நாட்டின் குடிவரவு திணைக்களத்தினால் வழங்கப்பட்டதாக தென்கொரிய ஊடகங்கள் தெரிவிக்கின்றன.

தென்கொரியாவின் வடக்கு கயங்சாங் மாகாணத்தில் தொழில்புரிந்துவந்த குறித்த இலங்கையர், அங்குள்ள கட்டிடம் ன்றில் ஏற்பட்ட தீப்பரவலில் இருந்து 90 வயதான முதும் பெண் ஒருவரை காப்பாற்றினார்.

இதனை அடுத்து பாராட்டுகளைப் பெற்ற அவர் தொடர்பில் கடந்த வாரம் அந்த நாட்டின் அமைச்சரவையில் கலந்துரையாடப்பட்டு, அவருக்கு நிரந்தர குடியுரிமை வழங்க தீர்மானிக்கப்பட்டது.

நிறைவேற்று அதிகாரம் கொண்ட ஜனாதிபதியை ஒழிக்க மக்கள் விடுதலை முன்னணி சபை ஒத்திவைப்பு
வேளை பிரேரணை ஒன்றினை முன்வைத்துள்ளது.

சபாநாயகர் கரு ஜயசூரிய தலைமையில் இன்று (செவ்வாய்க்கிழமை) கூடிய நாடாளுமன்ற அமர்விலேயே குறித்த ஒத்திவைப்புத் தீர்மானத்தை ஜே.வி.பி யின் நாடாளுமன்ற உறுப்பினர் நளிந்த ஜயதிஸ்ஸ முன்வைத்திருந்தார்.

மேலும் நாட்டின் எதிர்கால அபிவிருத்தி விடயங்களை கருத்திற்கொண்டே நிறைவேற்று அதிகாரம் கொண்ட ஜனாதிபதி பதவியை இரத்து செய்ய வேண்டிய அவசியத்தையும் அவர் தெளிவுபடுத்தினார்.

அத்தோடு குறித்த நிறைவேற்று அதிகாரம் கொண்ட ஜனாதிபதி பதவியை இரத்து செய்ய சர்வஜன வாக்கெடுப்பு நடத்த வேண்டும் என்ற கோரிக்கையையும் அவர் முன்வைத்திருந்தார்.

இந்நிலையில் நிறைவேற்று அதிகாரம் கொண்ட ஜனாதிபதி முறையினை ஒழிக்க JVP கொண்டு வந்த பிரேரணைக்கு UNP, மற்றும் TNA ஆதரவு வழங்கி உள்ளது.
இன்னும் 27 பேரின் ஆதரவு கிடைத்தால் இதனை நிறைவேற்ற கூடிய நிலை ஏற்படும் என தெரிவிக்கபடுகிறது.


பிரதமராகுமாறு தனக்கு பத்து தடவைகள் அழைப்பு விடுக்கப்பட்டதுடன், சபாநாயகர் கரு ஜயசூரியவுக்கு 14 தடவைகள் அழைப்பு விடுக்கப்பட்டதாகவும் ஐக்கிய தேசியக் கட்சியின் பிரதித் தலைவர் சஜித் பிரேமதாஸ தெரிவித்தார்.

காலி முகத்திடலில் இடம்பெறும் ஐக்கிய தேசியக் கட்சியின் பேரணியில் கலந்துக்கொண்டு உரையாற்றுகையிலேயே அவர் இவ்வாறு தெரிவித்தார்.

தனக்கு அழைப்பு விடுக்கப்பட்ட 10 தடவைகளும் பிரதமர் பதவியை வேண்டாம் என்று கூறியதைப் போன்று சபாநாயகரும் 14 தடவைகள் பிரதமர் பதவியை வேண்டாம் என்று கூறினார் எனத் தெரிவித்த சஜித், தனக்கு சுய கௌரவம் பெறுமதியானதைப் போன்று தனது தந்தையும் பெறுமதியானவர், தாயும் பெறுமதியானவரென சஜித் தெரிவித்தார்.

கம்போடியாவில் கொள்கலனில் பதுக்கிவைக்கப்பட்ட 3.2 தொன் எடையுள்ள யானைத் தந்தங்கள் பறிமுதல் செய்யப்பட்டன. ஆயிரத்துக்கு மேற்பட்ட அந்த யானைத் தந்தங்கள் மொஸம்பிக்கில் இருந்து அனுப்பி வைக்கப்பட்டவை.


இவ்வளவு அதிகமான அளவில், யானைத் தந்தங்கள் பறிமுதல் செய்யப்படுவது கம்போடியாவில் இதுவே முதல்முறையாகும். அமெரிக்க தூதரகம் கொடுத்த உளவுத் தகவலைத் தொடர்ந்து அந்தப் பறிமுதல் சாத்தியமாகியுள்ளது.


கைவிடப்பட்ட கொள்கலனில் பளிங்குக் கற்களின் இடையே தந்தங்கள் ஒளித்து வைக்கப்பட்டிருந்தன. கொள்கலன் கடந்த ஆண்டு கம்போடியத் துறைமுகத்துக்குச் சென்று சேர்ந்ததாக நம்பப்படுகிறது.


விலங்குகளின் உடல் பாகங்களைச் சட்டவிரோதமாகக் கடத்துவது பல பில்லியன் டொலர் மதிப்புள்ள வர்த்தகமாக வளர்ந்து வருகிறது.


சட்டவிரோதமாக வன விலங்குகளும் அவற்றின் உடல் பாகங்களும் கடத்தப்படுவதில் கம்போடியா ஒரு முக்கியத் தளமாக உருவெடுத்து வருகிறது.

ஒற்றையாட்சிக்குள் (ஏக்கிய ராஜ்ய) ஓர் அரசியல் தீர்வு முன்னெடுக்கப்படும் என்றும் அது எந்த நிலையிலும் மாற்றப்படாதென்றும் பிரதமர் ரணில் விக்கிரமசிங்க தெரிவித்தார்.


மக்கள் சக்தியை எவராலும் தோற்கடிக்க முடியாது என்று தெரிவித்த பிரதமர், நாட்டில் ஜனநாயகத்தைப் பலப்படுத்தி பிரச்சினைகளைத் தீர்ப்பதற்கு அடுத்த தேர்தலில் தமக்கு மூன்றிலிரண்டு பெரும்பான்மையைப் பெற்றுத்தருமாறும் கேட்டுக்கொண்டார்.


அனைத்துக் கட்சிகளினதும் ஆதரவுடன் தேசிய ஜனநாயக முன்னணி என்ற பெயரில் புதிய கூட்டணியொன்று அரசியல் கட்சியாகப் பதிவு செய்யப்படும் என்றும் எதிர்வரும் வெள்ளிக்கிழமை அதற்கான யோசனையை செயற்குழுவில் முன்வைக்கப் போவதாகவும் பிரதமர் ரணில் விக்கிரமசிங்க தெரிவித்தார்.


காலி முகத்திடலில் நேற்று இடம்பெற்ற ஐக்கிய தேசிய முன்னணியின் வெற்றி விழாவில் பல்லாயிரக்கணக்கான மக்கள் மத்தியில் உரையாற்றிய பிரதமர், பாராளுமன்றத் தேர்தலில் 2/3 பெரும்பான்மையைப் பெற்றுத்தருமாறு மக்களிடம் கேட்டுக்கொண்டதுடன் குறைகள் நிவர்த்தி செய்யப்பட்டு ஜனநாயகத்தை நிலைநாட்டும் பயணத்திற்கு உரமூட்டுமாறும் நாட்டு மக்களை கேட்டுக்கொண்டார்.


அரசாங்கம் அமைத்தவுடன் குறைகளை நிவர்த்திப்பதே முதலாவது கடமையென்றும் ஊழல் மோசடிக்கெதிரான நடவடிக்கைகள் விரைவுபடுத்தப்படும் என்றும் தெரிவித்தார். ஐக்கிய தேசிய முன்னணியில் அங்கம் வகிக்கும் அனைத்துக் கட்சிகளும் பங்கேற்ற இந்த வெற்றி விழாவில் தொடர்ந்தும் உரையாற்றிய பிரதமர் ரணில் விக்கிரமசிங்க.


இதுதான் மக்கள் வெள்ளம். கடந்த 51 நாட்களாக எமக்குப் பலமாக இருந்து ஜனநாயகத்தை பாதுகாக்க ஆதரவளித்த உங்கள் அனைவருக்கும் நான் தலைவணங்குகிறேன்.


நெருப்புமேல் இருப்பது தாச்சியே, அப்பமல்ல. நேரடியாக நெருப்புக்கு முகங்கொடுப்பது தாச்சியே. இந்த வகையில் ஜனநாயகத்துக்கு எதிரான நெருப்புக்கு நாம் முகங்கொடுத்துள்ளோம். நாமனைவரும் இணைந்து அதனை இல்லாதொழித்துவிட்டே இன்று இங்கு கூடியுள்ளோம். ஜனநாயகத்துக்கு எதிரான நெருப்பை அணைக்க மக்கள் வெள்ளம் என்ற நீர் உள்ளது.


எமது பலம் என்னவென்பதை இப்போது அனைவரும் புரிந்துகொள்ளட்டும். மக்கள் இறைமையை இல்லாதொழிக்க ஒருபோதும் இடமளிக்க முடியாது. எமது செயற்பாடுகள் மூலம் அது பாதுகாக்கக்கப்பட்டுள்ளது. இப்போது எனக்கு ஹிட்லரின் ஞாபகம் வருகிறது. ஹிட்லர் குறைவான பலத்துடன் ஆட்சிக்கு வந்தவர். அதில் இருந்துகொண்டு சர்வாதிகாரியாகச் செயற்பட்டு 10 இலட்சம் பேரை அழித்தவர் அவர்.

அதேபோன்று பெரும்பான்மையற்றவர்கள் ஆட்சி அதிகாரத்தைக் கைப்பற்ற முயற்சித்தனர். அதற்காகப் பாராளுமன்ற நடவடிக்கைகளைச் சீர்குலைத்தனர். சபாநாயகரின் ஆசனத்தைக் கைப்பற்றினர். அதற்கருகிலுள்ள இரண்டு கதவுகளையும் மூடிவிட்டு அராஜகமாக செயற்பட்டனர். இவ்வாறு செயற்பட்டவர்களா நாட்டை நிர்வகிக்க முடியும்?


எந்த முயற்சியும் பலிக்காது இறுதியில் பாராளுமன்றத்தில் மிளகாய்த்தூளை தூவினர். அவர்களுக்கு ஜனநாயகம் மிளகாய்த்தூளாகியது. பாராளுமன்றத்தில் நாம் ஆறுமுறை எமது பெரும்பான்மையை நிரூபித்துள்ளோம். சிக்ஸர் அடித்துள்ளோம் எனக் குறிப்பிடமுடியும். அதனையடுத்து உச்ச நீதிமன்றம் சிக்ஸர் அடித்தது. அதன் மூலமான வெற்றியே இது.


அரசியலமைப்பின் 19வது திருத்தத்துக்கு நாம் அனைவருமே வாக்களித்தோம். அதில் 2/3 பெரும்பான்மை பலமில்லாமல் பாராளுமன்றத்தைக் கலைக்க முடியாது என்பது குறிப்பிடப்பட்டுள்ளது. பிரிட்டிஷ் பாராளுமன்றத்தின் 2010 சட்டத்திலும் இதுபோன்றேயுள்ளது. 2/3 பெரும்பான்மை தொடர்பாக அதில் கூறப்பட்டுள்ளது.


பெரும்பான்மையைக் காட்ட முடியாதவர்களே ஆட்சியைப் பிடிக்க முற்பட்டனர். அதற்காக பெரும் சதி நடத்தப்பட்டது. நாட்டின் ஜனநாயகத்தைப் பாதுகாப்பதிலும் நல்லிணக்கம் மற்றும் ஒன்றிணைந்த இலங்கை என்பதிலும் எமக்கு நிலையான கொள்கையுள்ளது. அந்த நிலையிலிருந்து நாம் விலகவில்லை. தற்போது அவர்கள் நீதிமன்றத்தைத் தூற்றுகின்றனர். அப்படியானால் அவர்களில் 45 பேர் ஏன் நீதிமன்றத்திற்குச் சென்றனர்?
நாட்டில் சுயாதீனமான நீதிமன்றம் உருவாகுவதற்கு வழிவகுத்தவர்கள் நாமே. ஆணைக்குழுக்களை நியமித்து நாட்டில் சுயாதீனத்தை ஏற்படுத்தியதும் நாமே.


குறைபாடுகள் உள்ளன. அதை நாம் நிவர்த்திசெய்வோம். புதிய அரசாங்கத்தில் புதிய வேலைத்திட்டங்களை மேற்கொண்டு அதற்கான நடவடிக்கைகளை நாம் மேற்கொள்வோம். குறைபாடுகளை நிவர்த்திப்பதே எமது பிரதான வேலை. ஊழல் மோசடிகளுக்கெதிராக நடவடிக்கை எடுக்கப்படும். 


அதில் தாமதிக்காது சட்டத்தை விரைவாக நடைமுறைப்படுத்த நடவடிக்கை எடுப்போம். நிறைவேற்று அதிகாரம் கொண்ட ஜனாதிபதி முறையை இல்லாதொழிப்போம். அரசியல் பழிவாங்கல்களுக்கு உட்பட்டவர்கள் தொடர்பில் கவனம் செலுத்துவோம். அதற்கான தடைகளைக் களைந்து திட்டங்கள் முன்னெடுக்கப்படும்.


நாட்டின் பொருளாதாரம் போன்று வீட்டின் பொருளாதாரம் தொடர்பிலும் கவனம் செலுத்தப்படும். இளைஞர்களுக்காக நாம் விசேட வேலைத்திட்டங்களை முன்னெடுக்கவுள்ளோம். அதிலுள்ள குறைபாடுகளை நிவர்த்திசெய்து தேவையான நடவடிக்கைகளை நாம் மேற்கொள்வோம்.
இருபெரும் எதிர்பார்ப்புகள் எமக்குள்ளன. ஜனாதிபதித் தேர்தல் மற்றும் பாராளுமன்றத் தேர்தல்களே அவை. பாராளுமன்றத் தேர்தலில் நாட்டு மக்களாகிய நீங்கள் 2/3 பெரும்பான்மையை எமக்குப் பெற்றுத்தாருங்கள் எனக் கேட்டுக்கொள்கின்றேன். 


வேறு எவரதும் உதவியில்லாமல் பெரும்பான்மையுடன் அரசாங்கம் அமைத்து நிறைவேற்று ஜனாதிபதி முறையை ஒழிக்க ஆதரவு தாருங்கள். புதிய அரசியலமைப்பை உருவாக்குவதற்கும் குறைபாடுகளை நிவர்த்திசெய்து செயற்படவும் வாய்ப்பைப் பெற்றுத் தாருங்கள்.


அனைத்துக் கட்சிகளின் ஆதரவுடன் புதிய கூட்டணியாக நாம் எமது பயணத்தை தொடருவோம். தேசிய ஜனநாயக முன்னணி என்ற பெயரில் எமது கூட்டணி உருவாக்கப்படவுள்ளதுடன், எதிர்வரும் வெள்ளிக்கிழமை இதற்கான யோசனையை எமது செயற்குழுவில் நாம் முன்வைக்கவுள்ளோம். அனைவரும் ஒன்றிணைந்து ஜனநாயக ரீதியான சிறந்த எதிர்காலத்தை கட்டியெழுப்புவோம் என்றும் அவர் மேலும் தெரிவித்தார். 


இனவாதத்தால் நாட்டை ஒருபோதும் ஒன்றுபடுத்த முடியாது. அனைத்து இன மக்களையும் ஒன்றாக அரவணைத்து நாட்டை முன்னெடுத்துச் செல்லும் திறமை ஐக்கிய தேசியக் கட்சிக்கு மட்டுமே உண்டு என பாராளுமன்ற உறுப்பினர் முஜிபுர் ரஹ்மான் நேற்று தெரிவித்தார்.


காலி முகத்திடலில் நேற்று நடைபெற்ற ஐக்கிய தேசியக் கட்சியின் வெற்றிக் கொண்டாட்டத்தில் கலந்து கொண்டு உரையாற்றும்போதே அவர் இவ்வாறு கூறினார். ஐம்பது நாட்கள் போராட்டத்தின் மூலம் ஐக்கிய தேசியக் கட்சி வரலாற்றில் தகுந்த பாடம் படிப்பித்திருப்பதாகச் சுட்டிக்காட்டிய அவர், இது எமது போராட்டத்தின் ஆரம்பம் மட்டுமே என்றும் தெரிவித்தார்.


நாட்டை பிரிக்காமலும் இனப்பிரச்சினையை ஏற்படுத்தாமலும் ஒன்றாகச் சேர்ந்து அரசியல் நடத்துவதற்குத் தமிழ் தேசியக் கூட்டமைப்பினருடன் இணக்கம் கண்டுள்ளோம். ஆனால், இதனை திரிபுபடுத்தி எம்மை 'புலி' என அடையாளப்படுத்த முனைகிறார்கள். 


இனவாதத்தால் நாட்டை ஒருபோதும் ஒன்றுபடுத்த முடியாது. பிரதமர் ரணில் விக்கிரமசிங்க தலைமையிலான ஐக்கிய தேசிய கட்சியால் மட்டுமே இதனை நிறைவேற்ற முடியுமென்றும் அவர் குறிப்பிட்டார்.


அவர் மேலும் உரையாற்றுகையில் தெரிவித்ததாவது, எமது 50 நாள் போராட்டத்தின் வெற்றியை நாம் இன்று கொழும்பு காலி முகத்திடலில் கொண்டாடுகின்றோம். இதற்கு வாய்ப்பளித்த ஜனாதிபதி மைத்திரிபால சிறிசேனவுக்கும் மஹிந்த ராஜபக்ஷவுக்குமே நாம் நன்றிகளைத் தெரிவிக்க வேண்டும். அவர்களால் தான் நாடு முழுவதிலுமிருந்து இலட்சக்கணக்கான மக்கள் இன்று காலி முகத்திடலுக்கு வந்திருக்கிறார்கள். ஜனநாயகத்துக்கான எமது போராட்டம் வெற்றி பெற்றுள்ளது.
ஒக்டோபர் 26 ஆம் திகதி பிரதமர் பதவியை மஹிந்த ராஜபக்ஷவுக்கு வழங்கிய சந்தர்ப்பத்திலும் நாம் இதேபோன்றதொரு மாபெரும் கூட்டத்தை அலரி மாளிகைக்கு முன்பு நடத்தியிருந்தோம். அதிலும் இலட்சக்கணக்கான மக்கள் கலந்து கொண்டார்கள். இன்று அவர்கள் அந்தப் போராட்டத்தின் வெற்றியைக் கொண்டாட வந்திருக்கிறார்கள்.


கடந்த 50 நாட்களாக நாம் அலரி மாளிகையைப் பிடித்து வைத்திருந்தோம். உதய கம்மன்பிலவும் வரவில்லை, விமல் வீரவன்சவும் வரவில்லை. இது விஷம் கொண்ட குளவிகளைக் கொண்ட கட்சியென்பதை நாம் நாட்டுக்கு தெரியபடுத்தியுள்ளோம்.


நாம் தான் வீடுவீடாகச் சென்று மஹிந்தராஜபக்ஷவின் குடும்பத்தவர்களுக்கெதிராக போராடி, மைத்திரிபால சிறிசேனவை ஜனாதிபதி பதவிக்குக் கொண்டு வந்தோம். எனவே, வேறு எந்த கட்சியிலும் பார்க்க ஜனாதிபதியை விமர்சனம் செய்யும் உரிமை எமக்கே உண்டு.


நீதிமன்றத்தின் தீர்ப்பு மிகவும் சுயாதீனமாக அமைந்தது. அதற்கான அடிக்கல்லை ஏற்படுத்தியது ஐ.தே.க தான். கடந்த ஆட்சியின்போது ஒரு தொலைபெசி அழைப்பில் நீதிமன்ற தீர்ப்பைக்கூட ஆட்சியாளர்கள் தங்களுக்கு வேண்டிய வகையில் மாற்றியமைத்துக் கொண்டார்கள் என்றார்.

புதிய அரசாங்கத்தின் அமைச்சர்களின் பதவிப் பிரமாணம் இன்றைய தினம் இடம்பெறாதென தகவல் வெளியாகியுள்ளது.

இன்றைய தினம் அமைச்சரவை நியமிக்கப்படும் என ஐக்கிய தேசிய கட்சியின் உறுப்பினர்கள் சிலர் கருத்து வெளியிட்டிருந்தனர்.

எனினும் அமைச்சரவை இன்று நியமிக்கப்படாதென ஐக்கிய தேசிய கட்சி பொதுச் செயலாளர் அகிலவிராஜ் காரியவசம் தெரிவித்துள்ளார்.

புதிய அமைச்சரவைக்காக ஐக்கிய தேசிய முன்னணி திட்டமிட்ட புதிய பெயர் பட்டியல் இன்றைய தினம் ஜனாதிபதியிடம் அனுப்பி வைக்கப்படவுள்ளது.

நேற்று இரவு வரையில் இந்த பட்டியலில் 32 பேரின் பெயர் உள்ளடக்கப்பட்டுள்ளதாக அரசியல் தகவல் வட்டாரங்கள் தெரிவித்துள்ளன.

எனினும் அரசியலமைப்பிற்கமைய 30 பேரை மாத்திரமே அமைச்சர்களாக நியமிக்க முடியும். அதற்கமைய தீர்மானிக்கப்பட்ட பெயர்கள் இன்றைய தினத்திற்குள் திருத்தம் செய்யப்படும் என எதிர்பார்க்கப்படுகிறது.

view-source:tamilwin



“நாடாளுமன்ற சம்பிரதாயத்தை மதித்தே ஆட்சியை எம்மிடம் ஒப்படைத்ததாக ஜனாதிபதி மைத்திரிபால சிறிசேன கூறியுள்ளார். ஆனால், உண்மை அதுவல்ல, மக்கள் எழுச்சி – பலத்துக்கு அஞ்சியே ஆட்சி எம்மிடம் மீண்டும் ஒப்படைக்கப்பட்டது.”

– இவ்வாறு ஐக்கிய தேசிய முன்னணியின் நாடாளுமன்ற உறுப்பினரான ‘பீல்ட் மார்ஷல்’ சரத் பொன்சேகா தெரிவித்தார்.

கொழும்பு, காலிமுகத்திடலில் இன்று மாலை நடைபெற்ற ‘ஒக்டோபர் 26 அரசியல் சூழ்ச்சி’ வெற்றிக்கொண்டாட்டத்தில் கலந்துகொண்டு உரையாற்றும்போதே அவர் இதனைக் கூறினார்.

அவர் மேலும் தெரிவிக்கையில்,

“ஐக்கிய தேசியக் கட்சிக்கும், தமிழ்த் தேசியக் கூட்டமைப்புக்கும் இடையில் இரகசிய உடன்படிக்கை செய்துகொள்ளப்பட்டுள்ளது எனச் சிலர் போலிப் பிரசாரம் முன்னெடுத்து வருகின்றனர். அவ்வாறு எவ்வித உடன்படிக்கையும் செய்துகொள்ளப்படவில்லை. ஜனநாயகத்தைப் பாதுகாப்பதற்காகவே கூட்டமைப்பு எம்முடன் கரம் கோர்த்தது. இணக்கப்பாட்டின் அடிப்படையிலேயே நாம் அரசியல் நடத்தி வருகின்றோம்.


தமிழ்த் தேசியக் கூட்டமைப்பு பிரிவினைவாதத்தை ஊக்குவிக்கவில்லை. பௌத்த மதத்துக்கு தற்போது வழங்கப்படும் முன்னுரிமையை அப்படியே நீடிப்பதற்கு இணக்கம் தெரிவித்துள்ளது.

அதேவேளை, ஜனாதிபதியை நான் விமர்சிக்க விரும்பவில்லை. இருந்தாலும் ஒரு குறிப்பிட்ட ஒரு விடயத்துக்கு பதிலளிக்கவேண்டும். நாடாளுமன்ற சம்பிரதாயத்தை மதித்தே ஆட்சியை எம்மிடம் ஒப்படைத்ததாக ஜனாதிபதி மைத்திரிபால சிறிசேன கூறியுள்ளார். ஆனால், உண்மை அதுவல்ல, மக்கள் எழுச்சி – பலத்துக்கு அஞ்சியே ஆட்சி எம்மிடம் மீண்டும் ஒப்படைக்கப்பட்டது” – என்றார்.

view-source:jvpnews

உறங்கிக் கொண்டிருந்த யானைகளை எழுப்பி விட்டமைக்கு ஜனாதிபதிக்கு நன்றி செலுத்தியாக வேண்டும். ஜனாதிபதியின் உதவியின்றி இந்தளவு மக்கள் கூட்டத்தை திரட்டியிருக்க முடியாதென ஐக்கிய தேசியக் கட்சியின் பாராளுமன்ற உறுப்பினர் ராஜித சேனாரத்ன தெரிவித்தார்.


இதேவேளை, உறங்கிக் கொண்டிருந்த யானை எழும்பியதால் உண்டான விளைவே இதுவாகும். ஆனால் எழும்பிய யானைக்கு மதம் பிடித்தால் என்னவாகும் என இதுவரை யாரும் பார்க்கவில்லை. 


ஜனநாயகத்திற்கு மதிப்பளித்து, எமக்கு ஆட்சியதிகாரத்தை வழங்கியிராவிடின் இதே காலிமுகத்திடலில் மதம் பிடித்த யானையின் செயற்பாடுகளை புரிய வைத்திருப்போம்.


இனி நாமிருக்கும் வரை மஹிந்த ராஜபக்ஷ மீளெழுச்சி அடைய முடியாது. எம்மோடு இணைந்து அரசாங்கம் அமைப்பதற்கு ஸ்ரீலங்கா சுதந்திரக் கட்சி உறுப்பினர்களுக்கு அழைப்பு விடுக்கின்றோம்.


அதேபோன்று பொதுஜன பெரமுனவில் இருந்தும் அங்கத்தவர்களை எம்மோடு இணைத்துக் கொள்வோம். மஹிந்த ராஜபக்ஷ குடும்பத்தினரை தனியாளாக்கி, நாம் ஒரு வலுவான கூட்டணியாக முன்வருவோம்.


காலிமுகத்திடலில் திங்கட்கிழமை ஐக்கிய தேசியக் கட்சி ஏற்பாடு செய்திருந்த ஜனநாயக வெற்றிக் கொண்டாட்டத்தில் கலந்து கொண்ட போதே ஐக்கிய தேசியக் கட்சியின் பாராளுமன்ற உறுப்பினர் ராஜித்த சேனாரத்ன மேற்கண்டவாறு தெரிவித்தார்.

தியத்தலாவ இராணுவ பயிற்சி அகடமியில் சீனாவின் உதவியுடன் கட்டப்பட்ட பணியக மற்றும் அரங்க வளாகம் சிறிலங்கா அதிபர் மற்றும் சீனத் தூதுவரால், சிறிலங்கா இராணுவத்திடம் கையளிக்கப்பட்டது.


நேற்றுமுன்தினம் இந்த நிகழ்வு தியத்தலாவ இராணுவ பயிற்சி அகடமியில் இடம்பெற்றது.


இந்த நிகழ்வில், சிறிலங்கா அதிபர் மைத்திரிபால சிறிசேனவுடன், சீனத் தூதுவர் செங் ஷியுவான், சிறிலங்கா இராணுவத் தளபதி லெப்.ஜெனரல் மகேஸ் சேனநாயக்க, மற்றும் சிறிலங்கா, சீனா இராணுவ உயர் அதிகாரிகளும் கலந்து கொண்டனர்.


இந்த நிகழ்வில் பங்கேற்பதற்காக மேஜர் ஜெனரல் ஷென் யுன் தலைமையிலான சீன இராணுவத்தின், உயர் அதிகாரிகள் குழுவொன்றும் சிறிலங்காவுக்கு வந்திருந்தது.


இந்த திறப்பு விழாவில் உரையாற்றிய சிறிலங்கா இராணுவ பயிற்சி அகடமியின் தளபதி, பிரிகேடியர் பி.கே. சேனாரத்ன, சீன மக்கள் விடுதலை இராணுவத்துக்கும் சிறிலங்கா இராணுவத்துக்கும் இடையிலான நீண்ட கால இராணுவ உறவுகளை, புதிய கட்டடம் இன்னும் வலுப்படுத்தும் என்று கூறினார்.


சிறிலங்காவின் தேசிய மலரான தாமரையின் வடிவத்தில் இந்தப் புதிய கட்டடத்தை சீன இராணுவ அதிகாரிகள் கட்டிக் கொடுத்துள்ளனர்.


இந்த வளாகத்தில், பயிலுனர்கள் மற்றும் அதிகாரிகளுக்கான பணியகம், போதனை மற்றும் அரங்க வசதிகள் உள்ளன.


785 ஆசனங்களைக் கொண்ட அரங்கத்தில், நவீன ஒலி, ஒலி வசதிகளும் செய்யப்பட்டுள்ளன.


இங்கு உரையாற்றிய சீனத் தூதுவர் செங் ஷியுவான்,


“இந்த விரிவான பணியக மற்றும் அரங்க கட்டடம், சீன அரசாங்கத்தினால் சிறிலங்காவுக்கு கொடையாக வழங்கப்பட்டுள்ளது. இரண்டு நாடுகளினதுர்ம், இரண்டு இராணுவங்களினதும், நட்புறவுக்கான இன்னொரு அடையாளமாக இது இருக்கும்.சீனாவும் சிறிலங்காவும் நல்ல அண்டைநாடுகள், நல்ல பங்காளர்கள், நல்ல நண்பர்கள்.


அனைத்துலக நிலைமைகளில் எத்தகைய மாற்றங்கள் ஏற்பட்ட போதும், இரண்டு நாடுகளும் ஒன்றுக்கு ஒன்று தணையாக

ஆந்திர மாநில 'சங்கராச்சியார்' ஒன்காரானந்த சரஸ்வதி சுவாமிகள் சூளுரை..!
'ஜமாத்தே இஸ்லாமி' நடத்திய சமூக நல்லினக்க மாநாட்டில் தெலுங்கான துனை முதலமைச்சர் உள்ளிட்ட முக்கிய தலைவர்கள் பங்கேற்பு...!!


Hyderabad, 13 Dec 2015: Addressing a massive gathering here Saturday evening, Shankaracharya Onkaranand Saraswati said Islam is a religion of love, peace and equality and emphatically asserted that Islam does not promote terrorism.


‘I say this not because I am speaking amongst Muslims, but because it is an undeniable fact,' said Shankaracharya while speaking a big public meeting organized by Jamaat-e-Islami Hind here on the second day of its four-day national conclave of its members.


Without mentioning the recent attacks on Muslims' loyalty, the Shankaracharya said: Muslims are an indivisible part of India, without which India is not complete.


Islam and Sanatan do not promote violence; it is politicians who promote violence, he pointed out. He also countered the false propaganda against Emperor Aurangzeb.


Heads of several Muslim organizations and spiritual leaders from different religions also addressed the gathering.


Addressing the gathering, National President of Jamaat, Maulana Syed Jalaluddin Umari quoted a verse form the Holy Qur'an which says that ‘Evil has become rife on land and sea because of the deeds of man....' The solution to all forms of social and economic evils is that man should turn back to his Lord and refrain from disobeying Him. All Prophets invited their communities to follow them even when they were devoid of political authority, he said.


There has never been any compulsion in religion even when in power. Problems cannot be solved by fighting each other, but by fighting against divisive conspiracies, he said.


Other eminent persons who addressed the gathering included Muhammad Mehmood Ali, Deputy Chief Minister of Telangana, Shia cleric Dr. Kalbe Sadiq, Dr. Syed Qasim Rasool Ilyas, President, Welfare Party of India, Sardar Nanak Singh Nishter, Zafarul Islam, President, All India Muslim Majlise Mushawarat and Muhammad Adeeb, former member of Rajya Sabha.

Mohamed Web Solution

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget