// //
LENT.AZ - Bakıda azyaşlının əlindən telefon alan şəxs həbs edildi
Sizin link burada

Bakıda azyaşlının əlindən telefon alan şəxs həbs edildi

 

Bakıda azyaşlıya qarşı soyğunçuluq edərək mobil telefonun əlindən alan şəxs saxlanılıb.

 

DİN-in mətbuat xidmətindən Lent.az-a verilən məlumata görə, paytaxtın Səbail rayonu ərazisində azyaşlıya qarşı soyğunçuluq edilib. Belə ki, naməlum şəxsin metronun “Sahil” stansiyasının yaxınlığında 14 yaşlı A.B-nın “Samsung” markalı mobil telefonunu əlindən alınması barədə Səbail Rayon Polis İdarəsi 39-cu Polis Bölməsinə məlumat verilib.

 

 Bölmə əməkdaşlarının həyata keçirdikləri əməliyyat-axtarış tədbiri nəticəsində həmin cinayət hadisəsini törətməkdə şübhəli bilinən, Qəbələ rayon sakini İkram Muradov saxlanılıb. İlkin ifadəsində o, törətdiyi cinayəti etiraf edib. Saxlanılan şəxsin üzərində şəxsi axtarış aparılan zaman soyğunçuluq yolu ilə əldə etdiyi mobil telefon aşkar olunaraq maddi sübüt kimi götürülüb.

 

Qeyd edilən faktla bağlı bölmədə toplanan material araşdırılması üçün Səbail Rayon Polis İdarəsinin İstintaq Şöbəsinə göndərilib.

 

Polis əməkdaşları soyğunçuluq etməkdə şübhəli bilinən bu şəxsin digər analoji cinayətlərdə iştiraklarını da istisna etmirlər. Onun qanunsuz əməllərindən zərərçəkən digər vətəndaşlar varsa, bu barədə DİN-in “102” Zəng Mərkəzinə və ya 39-cu Polis Bölməsinə  müraciət edə bilərlər. 

LENT

20 Aprel 2018

Digər xəbərlər >>>