// //
LENT.AZ - Əl Bağdadi ABŞ-ın Suriyadakı hərbi bazasındadır
Sizin link burada

Əl Bağdadi ABŞ-ın Suriyadakı hərbi bazasındadır

ABŞ hərbçiləri İŞİD terror qruplaşmasının lideri Əbu Bəkr Əl Bağdadini yaxalayaraq Amerikanın Suriyadakı hərbi bazasında saxlayırlar. APA-nın xəbərinə görə, bu barədə "Yeni Şafak" nəşrinə məsələ ilə bağlı məlumatlı mənbə bildirib. 

 

Mənbənin bildirdiyinə görə, Əbu Bəkr Əl Bağdadi İraqda ələ keçirildikdən sonra ABŞ-ın Suriyanın şimal-şərqindəki Ras-əl-Ayn şəhərində yerləşən hərbi bazasına aparılıb, daha sonra isə Əl-Hasaka şəhəri yaxınlığındakı dayaq məntəqəsinə köçürülüb. Məlumata görə,  Əl Bağdadi ilə birlikdə İŞİD-in 7 səhra komandiri də ələ keçirilib, onlardan birinin İraq vətəndaşı olduğu bildirilir. 

 

Qeyd edək ki, iyunun ortalarında Rusiya Müdafiə Nazirliyi İŞİD liderinin aviazərbə nəticəsində məhv edildiyini bəyan etmişdi. ABŞ tərəfi isə öz növbəsində Əl Bağdadinin ölmədiyini iddia etmişdi. 

LENT

22 May 2018

Digər xəbərlər >>>