Just Friendly Page Not Found

No Problem! This Page Don't Exist

Don't Worry If Your Requested Page Not Found We Have 10000's of Page to compensate Just Go To HomePage



تورکی شعرلر

بهاریم دی منیم

اول گوزل نازلا گلن، سئوگیلی یاریم دی منیم
حایاتیم دویغولاریم، هر نه کی واریم دی منیم
گووه نن یاردی منه، قیسقانارام ئوزگه لره
من ده فخر ائیلیه رم، شان و وقاریم دی منیم
ویس ایله رامین دییلیب، وامق و عذرا بیلیرم
اولارام کوراوغلوسی، یاردا نیگاریم دی منیم
گر قارانلیقدا قالام، چوخلو منه لازیم اولان
سحریم هم صنمیم، چشم خماریم دی منیم
من سوسوز لاله کیمین چولده بیتن بیر گول اولام
اللاهین وئرگیسی، نیسان لی بهاریم دی منیم
نه قده ر من چالیشام تاکی منی دینله یه سن؟!
یوخسا سن سیز یریم آنجاق کی مزاریم دی منیم

ناز ائت

یانسین دیلیم آغزیمدا دئسم نازینی آز ائت
ناز ائت منه ای سئوگیلی جانان منه ناز ائت
ادامه نوشته

بیلمـم، بـو نـازنیـن کیمیـن ایستکلـی یـاریـدیــر؟

بیلمـم، بـو نـازنیـن کیمیـن ایستکلـی یـاریـدیــر؟
یــا هــانســی بختیــارلاریــن بختیــاریــدیــر!

آچـدیقجـا گـول جمـالینـی، ائللـر فـرحلـه نیـر
گویا، گـؤزه للیـک عـالمینیـن نـو بـاهـاریـدیـر

دونیـا بـو نـازنیــن ملگیــن حســرتیــن چکیــر
خلقیـن سئـویملـی آفتـی، هـم شهـریـاریـدیــر

یوز دفعه یانساق عشق اودونا، قورخو بیلمه ریک
چـونکـی دیـاریمیـز بیـزیـم اودلار دیـاریـدیــر

بیـر واخـت سجـده گـاه ایـدی آتـش پـرستلــره
شهـرِ صبـا کـی، مـرکــزی دریــا کنــاریــدیــر

قان ائتمـه سـاقـی بـاغـریمیـزی، بـاده تئـز گتیـر
دولدور قدحلری، گئجه میـز کئچـدی یـاریـدیـر

هر کیم دئییـرسـه، سئـومـه بـو رعنـا گـؤزه للـری
بیلمیر کـی، سئـوگـی عـالمـی بـی اختیـاریـدیـر

بیر گون گلر کی، من گئـده رم، خلـق سئـویلـه یـر:
بیچـاره واحیـدیـن بــو غــزل یــادگــاریــدیــر

سن سیز ای گول

سن سیز ای گول کونلومون بیر دم قراری یوخدو، یوخ
سن دن اؤزگه، نئیله سین، بیر غمگساری یوخدی، یوخ

درد هیجرین چاره سی هرچند بیلدیم صبرایمیش
نئیله ییم، بالله بو دریانین کناری یوخدو، یوخ

لئیلی- لئیلی سؤیله ییب چوخلار دئییر کیم عاشیقم
لیک مجنون تک اونون بیر داغداری یوخدو، یوخ

گوللری، بولوللری، آب و هاواسی چوخ گؤزل
حئیف کیم بو گولشنین بیر گولعذاری یوخدو، یوخ

هئچ عیبین یوخ، گؤزلیک هامی سنده جمع دیر
نئیله ییم آمما کی، عهدین اعتباری یوخدو،یوخ

سن نه بسلرسن بو ترلانی نباتی، روز و شب
من بو داغی چوخ دولاندیم بیر شیکاری یوخدو، یوخ

عشقينده

گلميشم كؤلگه سالان دالدالانام عشقينده

سوْنا بولبول كيمي بير آرخالانام عشقينده


من غزللر دنيزيندن بير ايچيمليك باخيشام

شعر سئوداسينه دوشدوم جالانام عشقينده


آي باخيشلار باخيشيندان بير ايچيمليك پاي آلان

گلديم ايلهاميم اوْلان، فايدالانام عشقينده


سنده بير دامجيدا اوْلسامدا دنيز گؤرسه نرم

سئويرم سن اسه سن دالغانام عشقينده


گؤز گؤزه قالدي گؤزللر اوْل گؤزلليك لريوه

من گره ك وورغونون اوْلسام، تالانام عشقينده


سن گئت اغياريله بير عؤمر ياشيلليق لاري گز

ارخايين گل قاناد آچ من قالانام عشقينده


گؤزون اوْخشاتدي مني گولده ياشيل باش سوْنايا

كيپريگين اوْخدو چالير پارچالانام عشقينده


شعريمي غم بورودو دفتري يانديردي قلم

گلديم آي اوْدلو نفسلي دوْلانام عشقينده

دئدی

دئدیم تئلین نه گؤزلدی

یؤخ یؤخ اؤنا ده یمه دئدی

دئدیم نه واخت گئلیم سیزه

قاپیمیزی دؤیمه دئدی

 

دئدیم نه دیر بو ایشوه ، ناز

دئدی یئری شعرینی یاز

دئدیم آی قیز بئله اؤلماز

گئد اؤغلان باش ائمه دئدی

 

دئدیم قؤور ائیلییر یارام

دئدی سنله یؤخدور آرام

دئدیم آخی صنت کارام

چؤخ اؤزونو اؤیمه دئدی

گئت گولوم

گئت گولوم گئت منه سن جان اولاسان ایستمیرم

عشوه لی سئوگیلی جانان اولاسان ایستمیرم

بیرده گوز یاشی توکوب کوئینه گلمم گوزلیم

گوروب احوالیمی خندان اولاسان ایستمیرم

بی وفالیقدا بوتون عالمه مشهور اولدون

سن اگر حورییی قیلمان اولاسان ایستمیرم

وورموسان سینه مه مین یاره کفایت می منه

بو سینیق کونلومه درمان اولاسان ایستمیرم

بی وفاسان دییلم راضی اولندن سونرا

قبریم اوستونده نگهبان اولاسان ایستمیرم

پیس گونومده منی سالدون نظریندن گئتدین

یاخشی گونده منه مهمان اولاسان ایستمیرم

واحیدین قیمتینی بیلمدین اینجیتدین اونو

ائله کی اولدو پشیمان اولاسان ایستمیم

فدا

جانیمین جوهری اول لعل گوهر باره فدا

عمرومون حاصلی اول شیوه رفتاره فدا

دردچکمیش باشیم اول خال سیاه قربانی

تاب گورموش تنیم اول طرّۀ طرّاره فدا

گوزلریمدن ساچیلان قطرۀ اشگیم گوهری

لبلریندن توکولن لولوی شهواره فدا

چاک سینمدن اولان قانلی جگرپاره لری

مست چشمینده اولان قانلی غمزۀ خونخواره فدا

پاره پاره دل مجروحی پریشانیمدن

سرکوینده اولان هر ایته بیر پاره فدا

جان و دل قیدینی چکمکدن ئوزوم قورتادیم

جانی جانانییه ائتدیم دلی دلداره فدا

ای فضولی نولا گر ساخلارایسم جانی عزیز

وقت اولارکیم اولا اول شوخی ستمکاره فدا

بیلیرم

یار حال دیلیمی زار بیلیبدر بیلیریم

دیل زاریمده نه کیم وار بیلیبدر بیلیریم

یاری اغیار بیلیبدر که منه یار اولماز

منده دخی اونی که اغیار بیلیبدر بیلیریم

زلفینی اهل وفا صیدینه دام ای لیلی

منی اول دامه گرفتار بیلیبدر بیلیریم

من نه حاجت که قیلیم شرح اونا درد دلیمی

هامی درد دلیمی یار بیلیبدر بیلیریم

یار هم صحبتیم اولمازسا فضولی نه عجب

ئوزونه صحبتیمی عار بیلیبدر بیلیریم

ناز ایله میسن !

چوخلار اینجیکدی کی، سن اونلارا نازایله میسن

من ده اینجیک کی، منیم نازیمی آز ایله میسن

ائتمیسن نازی بو ویرانه کونولده سلطان

ائوین آباداولا ، درویشه نیاز ایله میسن ...
ادامه نوشته